Policia ka dhënë detaje në lidhje me aksidentin e ndodhur në Sarandë.
Një e mitur është përplasur nga makina teksa po kalonte rrugën me nënën e saj në lagjen nr.1 të qytetit të Sarandës.
3-vjeçarja me iniciale A. M., është dërguar në spital ku ndodhet jashtë rrezikut për jetën. Mësohet se ajo për një moment iu është shkëputur nënës nga duart dhe u aksidentua nga automjeti në rrugë.
Makina drejtohej nga 22-vjeçari M. Marku, banues në Ksamil. Ndërkohë policia ndodhet në vendngjarje dhe po heton rrethanat e aksidentit.
Njoftimi i Policisë:
Sarandë/Informacion paraprak
Sot, rreth orës 12:10, në lagjen nr.1, Sarandë, shtetasi M. M., 22 vjeç, banues në Ksamil, duke drejtuar automjetin tip “Hyndai”, ka aksidentuar në rrugë, një fëmijë 3 vjeçe, e cila ndodhet në spital, jashtë rrezikut për jetën.
Drejtuesi i automjetit është shoqëruar në Komisariat, për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
